FRODE SELVAAG

Matshow

Le med mat i munnen! Med beste samvit. Når Frode Selvaag lagar mat saman med karar som Tor Øyvind Skeiseid, Arne Nordbø
eller Torolf Nordbø, blir det fort moro. Moro ja, men skikkelige saker. Her blir det meste av historier, mat og folk frå Ryfylke blanda
saman til ei drivande, god og fyldig gryte. Samspelet mellom Frode og kompanjongen vekslar mellom kjærleik og kollaps. Me kallar 
konseptet "Kokken og tosken", og Frode er ikkje tosken. 
Når publikum blir med i leiken, kan det fort bli høge skuldrer, varmt i hovudetog ypparleg resultat

Passar for opp mot 100 personar, der Frode og kompanjong jobbar tett på folk.

Matkurs

Bli med Frode til kjøkkenbenken. Lag mat og kjenn på sjølvtillit! Still spørsmål og prøv deg fram!
Kvifor gjer me slik og ikkje slik med råvarer? Og kva er nå god smak? Frode har sin matfilosofi, ikkje noko fiks-fakseri,
men enkle ryfylkeknep. Her blir alle deltakarar og ikkje publikum. Me treng mange hender for å lage gode rettar.
Etterpå smakar som regel måltidet betre enn det meste... Dessutan har me det vanvittig moro undervegs.  

Passar for 4-25 personar om gongen.

Ryfylkekokken tilbyr kurs og kompetanseheving innan mat og drikke til folk, men også verksemder.
Det kan vera serveringsbedrifter, som kafear, restauranter, hotell, delikatessebutikkar eller de som syslar med
tanken om å bli ei slik verksemd. Matlaging er ikkje vanskeleg, men det krev noko av deg, tid og respekt for råvara og historia den har. 

Selskapskokken

Hjelp! Kven skal koka? For kven bør ta ansvaret for bedriftmiddagen, jubileumsfesten eller for den del utelunsjen? 
Frode Selvaag har erfarin, både med festmiddag til dei få og fem-rettar til 350. Grundig, hyggeleg og drivande god på logistikk.
Ja, slik kan ein middag med Frode Selvaag skildrast. Oftast blir selskapet ekstra kjekt når Ryfylke Livsgnist får vera med som konferansier
og/eller underhaldarar. Og me likar gjerne å tenkja utanom dei faste formene 

Passar for alt og alle.

Kor i holaste e potetene henne?

Bli med på ei musikalsk matreise med Ryfylkekokken Frode Selvaag og humorist og visesongar Torolf Nordbø.  
Matlaging, humor, musikk og dialog blir til ei innhaldsrik og kraftig ryfylkegryte.
Tradisjon og nymotens kokkelering går hand i hand. Bli ikkje overraska om songaren også kan mat. Men kan kokken syngja?

Kall det musikalsk matshow, kulinarisk humor eller kva du vil. Førestillinga er ekte, lun, jordnær og direkte.  

Målet er å metta magen, senka skuldrer og nyta tida. Torolf og Frode har ulik bakgrunn når det gjeld opphav og mat.
Frode er flaska opp med besteforeldre og foreldre som har lært han alt frå røyking, salting og at alt lagar me frå botn av.
Torolf og brørne gjorde i si tid mytteri i heimen, og overtok matlaginga. Kontrastfylt bakgrunn pregar den musikalske matførestillinga.

Men likskapen mellom Torolf og Frode er likevel større enn ein skulle tru.  

Velkomen til ei kulturoppleving, som skil seg ut frå det meste du har vore med på.  

Bli heller ikkje overraska om Han Innante kjem innom med sine ”matfaglege” råd og tips.

Passar for alt og alle.